Дыннаар чаа ном
Хүндүлүг номчукчуларывыс!!!
Силерниң кичээнгейиңерге дыңнаар чаа номну сүмеледивис. Тускайлаттынган ном саңы Таан-оол Хертектиң «Тываның бирги Президентизи» деп номну чугааланыр болгаш санныг хевирге тускай камгалалдыг кылдыр үндүрген.
Билдингир журналист Таан-оол Хертектиң уран-чечен публицистика жанрынга бижээн, ниитилел-политиктиг ужур-уткалыг номунда Тываның бирги Президентизи Ш.Д. Ооржактың Тыва Республиканың хөгжүлдезинге, тыва чоннуң чаагай чоруунга бүрүнү-биле тураскааткан хөй талалыг ажыл-чорудулгазын, амыдыралын чуруп көргүскен. Тыва күрүнениң эң чаа төөгүзү, ооң баштаңчызы кижиниң овур-хевири ажыттынган бо ном республиканың бүгү номчукчуларынга солун болгаш өөредиглиг болуру чугаажок.
Чугааланыр номнуң номчулгазын караа көрбес болгаш көөрү кошкак улуска таарыштыр, бедик мергежилдиг күүседип номчуп турары дээш диктор Анзат Кууларга тускайлаттынган ном саңының номчукчуларының мурнундан четтиргенивисти илереттивис!
Номчукчуларга чугааланыр ном “Тываның бирги Президентизи” биле дарый таныжып алырын сүмелеп, таарымчалыг болгаш солун номчулганы күзедивис!
Сагындырып каарывыс: тускай камгалаттынган санныг хевирге (LKF формат) үндүрген номну чугле тифлофлэшплеерге дыңнап болур. (Гражданский кодекс РФ. Авторское право).