Тувинская республиканская специальная библиотека для незрячих и слабовидящих

Өг-бүле хүнү-биле, силер бүгүдеге сеткиливис ханызындан изиг байырны чедирбишаан, өг-бүле бүрүзүнге кезээде аас-кежик, өөрүшку арбыдап көвүдезин, деп йөрээп, ынакшылды, эп-найыралды, бот ботарыңарны хүндүлежип, карактажып чорууруңарны, ак орукту кузедивис!
Өг-бүле амы-хуу чурталганын үндезин ораны. Өг-бүле дээрге кижиниң ада-иези, акы-дуңмазы, төрел улузу, чуртаар оран-савазы, аас-кежии, шыдал-быразы-дыр. Ооң-биле чергелештир өг-бүленин чогумчалыг болуру төрел улустуң бот-боттарынга ыдыктыг хамаарылгазындан, бичени биче, улугну улуг деп хүндүлежир чоруктан, куш-ажылга кызымак чоруктан хамааржыр. Өг-бүлениң болгаш чоок төрел улустуң байлаа чоннуң байлаан тургузар. А чоннуң байлаа хой ниитиниң байлаан тургузар. Ук байлакче кижиниң бүдүжү, өг-булези, төрел-чурт, нация, Ада-чурт, күрүне деп билиишкиннер кирер.