«Надя Рушеваның тускай суйбаар чуруктары»
Бо чылын Тыванын тускайлаттынган ном саңы «Надя Рушеваның тускай суйбаар чуруктары» - деп төлевилелди ойнап алган. Ук төлевилелди Культура болгаш туризм яамызы ашкаландырыышкын-биле хандырган болуп турар. Төлевилел караа көрбес болгаш көөрү кошкак улуска таарыштыр кылдынган болгаш Надя Рушева деп алдарлыг чурукчувустуң төрүттүнгенинден бээр 70 харлаанынга тураскааткан. Төлевилелдиң кол сорулгазы – караа көрбес болгаш көөрү кошкак улуска медээни тускай таарымчалыг хевирге чедирери болуп турар. Ынчап кээрге төлевилел, караа көрбес кижилерге брайль бижиктиг болгаш тускай хевирге суйбаар чуруктарлыг кылдыр үндүрген альбомдан база караанын көөрү кошкак улуска улгаттыр парлап үндүрген бижиктерлиг альбомдан тургустунган болуп турар. Төлевилелдиң түңнелинде бо кижилеривис бүдүн делегейге алдаржаан ховар болгаш кайгамчык уран-талантылыг чурукчувус Надя Рушеваның допчу-намдары биле болгаш ооң чараш чуруктары-биле таныжып алыр аргалыг болур. Бо альбомнарда чурукчунун эң эки билдингир чуруктары болгаш «Пушкиниана» деп кезээнден алган чуруктар кирген.