Чаа дыннаар ном
Хундулуг номчукчулар!
Силерниң кичээнгейиңерге дыңнаар чаа номну сүмеледивис. Тускайлаттынган ном саңы чогаалчы Валерий Шаравииниң “Салым – чолдуң шорааннары” деп номун чугааланыр болгаш санныг хевирге тускай камгалалдыг кылдыр үндүрген, ону тифлолешплеер аппаратка дыннаар. Шаравии Валерий Севилбааевич (1929 – 2003) – шүлүкчү, журналист, Тыва Республиканың алдарлыг ажылдакчызы, Тыва АССР-ниң Дээди Совединиң депутады, ССРЭ-ниң Журналистер Эвилелиниң кежигүнү. Авторнуң «Салым-чолдуң шорааннары» деп романы 2000 чылда парлаттынган. Романда Тываның 1921 чылдың мурну, Тыва Арат Республика, Совет Тыва үезин төөгүп бижээн. Ак биле кара, амыдыралдың аак-кээги болгаш аас-кежии, эрткен оруувустуң эрбеннери болгаш эки талалары кижи-бүрүзүнүң салым-чолу-биле холбашкан деп чогаалчы номчукчуга тодаргайы-биле билиндирип турар. «Салым-чолдуң шорааннары» – амыдыралдың агымын чураан, хөй маадырлыг, чон дугайында роман. Ында автор редактор кижи болгаш домактарны чедимчелиг, онзагай тургузуп, ховар сөстерни ажыглаан.
Эки номчулганы күзедивис!
Добавить комментарий