Чаа дыннаар ном
Хүндүлүг номчукчуларывыс!!!
Силерниң кичээнгейиңерге дыңнаар чаа номну сүмеледивис. Тускайлаттынган ном саңы Михаил Дуюнгарнын «Карактарда чаштар» деп номну чугааланыр болгаш санныг хевирге тускай камгалалдыг кылдыр үндүрген.
Дуюнгар Михаил Монгушевич – прозачы, шүлүкчү, Россияның Журналистер эвилелелиниң болгаш Россияның чогаалчылар эвилелиниң кежигүнү.
Ол 1952 чылдың апрель 2-де Тыва автономнуг областың Барыын-Хемчик районунга Ак деп черге төрүттүнген. 1976 чылда Кызылдың эмчи училищезин дооскаш, ажыл-ишчи амыдыралын эгелээн. 1990 чылда М. Горький аттыг литература институдунуң проза салбырын дооскаш, журналист бооп ажылдап чораан.
«Карактарда чаштар» деп номда чогаалчынын чырыкче үнген чогаалдарындан ангыда парлаттынмайн чораан чогаалдарын база киирген.
Чугааланыр номнуң номчулгазын караа көрбес болгаш көөрү кошкак улуска таарыштыр, бедик мергежилдиг күүседип номчуп турары дээш диктор Карина Монгушка тускайлаттынган ном саңының номчукчуларының мурнундан четтиргенивисти илереттивис!
Номчукчуларга чугааланыр ном-биле дарый таныжып алырын сумелеп, таарымчалыг болгаш солун номчулганы күзедивис!
Сагындырып каарывыс: тускай камгалаттынган санныг хевирге (LKF формат) ундурген номну чугле тифлофлэшплеерге дыннап болур. (Гражданский кодекс РФ. Авторское право).