Дыңнаар чаа ном
Хундулуг номчукчуларывыс!!!
Силерниң кичээнгейиңерге дыңнаар чаа номну сүмеледивис. Тускайлаттынган ном саңы Олег Саган-оолдун «Чогаалдар чыындызы» деп номнун 2-ги томун чугааланыр болгаш санныг хевирге тускай камгалалдыг кылдыр үндүрген.
Олег Карламович Саган-оол — шүлүкчү, прозачы, драматург, очулдурукчу. "Күш-ажылга шылгарал дээш" медальдың эдилекчизи. Тыва чогаалдың үндезилекчилериниң бирээзи.
Олег Саган-оол 1913 чылдың январь 1-де Таңды-Тываның Даа кожууннуң Шемиге (ам болза Чөөн-Хемчик кожууннуң Шеми сумузу) төрүттүнген. 1928 чылда Кызылга моол бижикке өөренгеш, улаштыр эге школаны дооскан. 1930-35 чылдарда Улан-Удэге моол ажылчын факультетке өөренгеш, Иркутскиниң башкылар институдун, СЭКП ТК-ның чанында Дээди партия школазын дооскан.
Кызылдың өөредилге комбинадынга башкылап, Тыва радиокомитедин даргалап, область прокурору кылдыр ажылдап чораан. 1946-71 чылдарда Тываның Чогаалчылар эвилелиниң баштаар черин даргалап ажылдап турган.
Чогаал ажылын 1937 чылда эгелээн. Ол чылын баштайгы шүлүү "Бистиң төрээн чуртувус" парлалгага үнүп келген.
Чугааланыр номнун номчулгазын караа корбес болгаш коору кошкак улуска таарыштыр, бедик мергежилдиг кууседип номчуп турары дээш Россия Федерациязынын болгаш Тыва Республиканын Алдарлыг артизи Анзат Кууларга тускайлаттынган ном саңының номчукчуларынын мурнундан четтиргенивисти илереттивис!
Номчукчуларга чугааланыр ном-биле дарый таныжып алырын сумелеп, таарымчалыг болгаш солун номчулганы күзедивис!
Сагындырып каарывыс: тускай камгалаттынган санныг хевирге (LKF формат) ундурген номну чугле тифлофлэшплеерге дыннап болур. (Гражданский кодекс РФ. Авторское право).