Дыңнаар чаа ном

Хүндүлүг номчукчуларывыс!!!
Силерниң кичээнгейиңерге дыңнаар чаа номну сүмеледивис. Тускайлаттынган ном саңы “Он чүктүң ээзи, он хоранның үндүсүн үскен Ачыты Кезер-Мерген дугайында тоожуну” чугааланыр болгаш санныг хевирге тускай камгалалдыг кылдыр үндүрген.
“Кезер тоожузу” – тибет, кыдат, моол, бурят, калмык улустарның демнежип, чогаадып тургусканы кайгамчык уран-чечен аас чогаалы болур. Тоожуну Тывада безин каш янзы адап тоолдап турар.
Чугааланыр номнуң номчулгазын караа көрбес болгаш көөрү кошкак улуска таарыштыр, бедик мергежилдиг күүседип номчуп турары дээш диктор Данил Хомушкуга тускайлаттынган ном саңының номчукчуларының мурнундан четтиргенивисти илереттивис!
Номчукчуларга чугааланыр ном-биле дарый таныжып алырын сумелеп, таарымчалыг болгаш солун номчулганы күзедивис!
Сагындырып каарывыс: тускай камгалаттынган санныг хевирге (LKF формат) үндүрген номну чугле тифлофлэшплеерге дыңнап болур. (Гражданский кодекс РФ. Авторское право).