Номчукчуларны Брайль бижиктиг чаа ном манап турар!
Хүндүлүг номчукчуларывыс, тускайлаттынган ном саңының брайль бижик биле үндүрген тыва номнар фондузунда база бир чаа ном немешкен - Таан-оол Хертектиң «Вера Байлак – амгы үениң маадыры» деп тыва дылда бижиттинген ному. Номнуң кол маадыры – тыва эки турачы, Ада Чурттуң Улуг дайынының киржикчизи, маадыр ие, Тыва республиканың мурнакчы болгаш муңчу малчыны – Вера Чүлдүмовна Байлак. Ада Чурттуң Улуг дайынының дүшкүүрлүг, коргунчуг болуушкуннары болуп эрткенден бээр 75 чыл эрткен-даа болза, номчукчулар дайын темазы кирген номнарны улуг сонуургалдыг номчуп турар. Номда дайын дугайында, база дайынның маадырларының болгаш эш-өөрүнүң дугайында сактыышкыннар, чидириглер, бергелерни көргүзүп бижээн. Бис дайынчы маадырга чоргаарланып, силерге солун номчулганы кузедивис!