Бригад Дүпчүрнүн «Кежик-чолдуг Кежиктиг» деп чаа дыннаар ном
Хундулуг номчукчуларывыс!!!
Силерниң кичээнгейиңерге дыңнаар чаа номну сүмеледивис. Тускайлаттынган ном саңы Бригад Дүпчүрнүн «Кежик-чолдуг Кежиктиг» деп номну чугааланыр болгаш санныг хевирге тускай камгалалдыг кылдыр үндүрген.
Россия Федерациязының уран чүүлүнүң Куруне шаңналының лауреады, Тыва Республиканың культуразының алдарлыг ажылдакчызы, ус-шевер, хөгжүмчү, чогаалчы Бригад Дүпчүрнүн бешки номунда Тыва Республиканың улустуң, Россия Федерациязының алдарлыг артизи Демир-оол Кежиктигниң чогаадыкчы ажыл-амыдыралын тоожуп турар.
Чугааланыр номнуң номчулгазын караа көрбес болгаш көөрү кошкак улуска таарыштыр, бедик мергежилдиг күүседип номчуп турары дээш диктор Артыш Ооржакка тускайлаттынган ном саңының номчукчуларының мурнундан четтиргенивисти илереттивис!
Номчукчуларга чугааланыр ном “Кежик-чолдуг Кежиктиг” биле дарый таныжып алырын сумелеп, таарымчалыг болгаш солун номчулганы күзедивис!
Сагындырып каарывыс: тускай камгалаттынган санныг хевирге (LKF формат) ундурген номну чугле тифлофлэшплеерге дыннап болур. (Гражданский кодекс РФ. Авторское право).